Цемент шохой ТӨХК

Олон нийтийн цахим сүлжээнд “Цемент Шохой” ХК-ийн нэр хүндэд зориудаар халдан цемент үйлдвэрлэлийн үйл ажиллагааг өнөөг хүртэл эхлээгүй, ажилчдаа сул зогсолтод оруулсан, бүтээгдэхүүний үнийг нэмсэн гэх мэт ор үндэслэлгүй худал мэдээллийг улс орон даяар тараах явдал удаа дараа гарч байгаад үндэсний үйлдвэрлэгч-баялаг бүтээгч бид туйлын харамсаж байна. Тус компани нь 2020 оны 3 дугаар сард үйл ажиллагаа эхлүүлэхээр төлөвлөж бэлтгэл ажиллагааг хангаад байсан хэдий ч дэлхий нийтэд тархсан шинэ төрлийн коронавирус, COVID-19 цар тахлын улмаас 2020 оны 4 дүгээр сарын 1-ний өдрөөс үйлдвэрлэлийн үйл ажиллагааг эхлүүлсэн. Өнөөдрийн байдлаар үйлдвэрлэлийн үйл ажиллагаа хэвийн жигд явагдаж, хоногт 2-3 мянган тонн цемент зах зээлд нийлүүлж байна. Мөн зах зээлийн тогтвортой үнийн бодлого баримтлан 2018 онд батлагдсан цементийн үнийг өнөөг хүртэл мөрдөн ажиллаж байгаа болно. ЭНЭХҮҮ МЭДЭГДЛЭЭР “ЦЕМЕНТ ШОХОЙ” ХК-ИЙН ҮЙЛДВЭРЛЭЛИЙН ҮЙЛ АЖИЛЛАГАА ЖИГДЭРСЭН, ЦЕМЕНТИЙН ҮНИЙН ХӨӨРӨГДӨЛ ГАРГААГҮЙ БОЛОХЫГ ХАРИУЦЛАГАТАЙГААР МЭДЭГДЭЖ БАЙНА. Цаашид тус компанитай холбоотой олон нийтийг төөрөгдүүлсэн, эх сурвалжгүй буруу ташаа мэдээлэл тарааж, бизнесийн нэр хүндэд халдахгүй байхыг хүсье.

“Цемент Шохой” ХК нь цемент үйлдвэрлэлээрээ улсын томоохон ууган үйлдвэр бөгөөд бүтээгдэхүүн нь олон жил итгэл даасан, чанартай байж, хэрэглэгчдийн найдвартай түнш байсаар ирсэн. Бид хэрэглэгчдийнхээ эрэлт хэрэгцээ, шаардлага, санхүүгийн нөхцөл байдалд нийцүүлэн Худалдаа Хөгжлийн банктай хамтран жилийн 3,5 хувийн хүүтэй батлан даалтын санхүүжилтийг харилцагч байгууллагууддаа санал болгож байгаа билээ. 2020 онд бүтээгдэхүүн худалдан борлуулах, хамтран ажиллах, түүхий эд, сэлбэг, бараа материал худалдан авах гэрээ хийгдэж байгаа тул гэрээгээ хийж, хөнгөлөлт урамшуулалд эдлэх боломжтой. Та бидний хамтын ажиллагаа өргөжин тэлнэ гэдэгт итгэлтэй байна. Дэлгэрэнгүй мэдээлэл авахыг хүсвэл 99101450