Монгол Улсын Ерөнхийлөгчийн 2020 оны 10  дугаар сарын 01-ны 123 дугаар зарлигаар эрхэлсэн ажилдаа олон жил үр бүтээлтэй ажиллаж, амжилт гаргасан Сэлэнгэ аймгийн харьяат зарим хүмүүсийг төрийн дээд одон, медалиар шагнасан байна. Шагналыг Ерөнхийлөгчийн Тамгын газрын дэд дарга Байгалмаа 2020 оны 10 дугаар сарын 08-ны өдөр гардуулан өглөө. Сэлэнгэ аймгийн хэмжээнд Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одонгоор 14, Алтан гадас одонгоор 115, Хөдөлмөрийн хүндэт медалиар 73, Цэргийн гавьяаны улаан тугийн одонгоор 1, Цэргийн хүндэт медалиар 2, Атарчдын алдар медалиар 8 хүн тус тус шагнагдлаа.

Үүнээс манай "Цемент Шохой" ХК-ийн 10 ажилтан, 2 ахмад Монгол улсын төрийн дээд одон, медаль гардан авлаа. Хөдөлмөрийн гавьяаны улаан тугийн одонгоор ахмад ажилтан Л.Энх-Саран, Алтан гадас одонгоор СШЛ-ийн Инженер Т.Цэцэгмаа нар хүртсэн бол Хөдөлмөрийн хүндэт медалиар ЗНЦ-ийн Тоног төхөөрөмжийн засварчин Н.Алтанцоож, ШҮ-ийн Мастер Б.Бадрахгэрэл, УАТЦ-ийн Шохойн чулууны карьерын өрөмдөгч Д.Батболд, ЭЗТХ-ийн Төлөвлөлтийн эдийн засагч Х.Батсүрэн, ТБХ-ийн Эрдэнэт дэх төлөөлөгч Д.Доржпүрэв, СШЛ-ийн Лаборант Д.Мягмарсүрэн, ЧҮ-ийн Эргэх зуухны жинхэнэ машинист Б.Одгэрэл, ТЗЦ-ийн Цехийн дарга Х.Пүрэвхүү, ЭЗХ-ийн Дулаан, ус, сантехник, хариуцсан мэргэжилтэн Т.Эрдэнэчимэг, ахмад ажилтан Б.Балган нарын  12 хүн шагнуулсныг гардуулан өгөв.